छत्तीसगढ़ महतारी मूर्ति टोरे और महापुरुष ला गारी देहे के विरोध मा आज रईपुर जबर महाबंदी..

पर प्रांतीय मन छत्तीसगढ़ महतारी के अस्मिता और पूर्वज–पुरखा ला खंडन करे के बुता करत हे।

जावेद अली आज़ाद/ ब्यूरो प्रमुख, छ.ग. राज्य.

रईपुर (क्राइम रिपोर्ट)। छत्तीसगढ़ महतारी के कोरा म अन्य प्रांत के लोगन मन इहां रहीके राजधानी रईपुर म छत्तीसगढ़ महतारी के मूर्ति (मूरत) ला टोरे (खंडन) करे के बुता करे हे, दुसर ओर परमपूज्य गुरु गुरुघासी दास बाबा महापुरुष सहित जय छत्तीसगढ़ पार्टी के अमित बघेल अऊ सर्व छत्तीसगढ़िया समाज ला अश्लील गारी गरोच कर पूरा छत्तीसगढ़िया मन के मुंह मा कालिख पोते के चेष्टा करे गय हावे।

सुरता हो कि रईपुर पुलिस प्रशासन के दुवारा राजनीतिक पार्टी के दबाव म बिना कोई सुबूत व साक्ष्य देखाय बगैर एक बेकसूर मानसिक रोगी (पगला) ला महतारी मूर्ति टोरे के जुरुम मा गिरफ्तार करे हावे। जो कि एक राजनीतिक खेल के ओर इशारा करत हे। वही दुसर ओर सोशल मीडिया मा एक पाकिस्तानी सिंधी व्यक्ति विजय राजपूत जो कि जिला रईगढ़ के हे, दारू के नशा मा महापुरुष गुरू घासीदास बाबा और राजनीतिक पार्टी के अमित बघेल ल मां बहन के अश्लील गारी बकत हे। दारू के नशा फाटे के बाद सोशल मीडिया म माफी मांगत हे। ये एक निंदनीय घटना हे, अइसन लोगन मन ल छत्तीसगढ़ राज्य में रहे के अधिकार नई हे!

परदेशिया मन के मानसिकता और दुस्साहश अब अतना बढ़ गय हावे कि हमर राज्य म रहीके हमरे मां,बेटी के अपमान करत हे हमर महतारी मन सुरक्षित नई हे, आरोपी ह पूरा छत्तीसगढ़िया समाज अऊ छत्तीसगढ़िया देवता धामी और छतीसगढिया संत मन के प्रति निम्न विचारधारा सार्वजनिक रूप से प्रकट करे हे।

जे विषय म आज छत्तीसगढ़ महतारी के सम्मान म रईपुर बंद आव्हान करे हे, सर्व छत्तीसगढ़िया समाज ह संबंधित आरोपीय व्यक्ति के ऊपर एफआईआर दर्ज और जेल भिजवा के अपन भड़ास निकाले के बुता करही। साथ ही शासन,पुलिस प्रशासन और भाजपा के मुख्यमंत्री विष्णु देव साय ला साफ चेतावनी हे कि छत्तीसगढ़ महतारी और महापुरुष मन के अपमान छत्तीसगढ़िया मन सहन नई करे।