भोजली दाई के भक्ति मं रंगाय कोराई – खोलार नदी मं उमड़े श्रद्धा के लहर,ग्रामीणों में उमड़ी खुशी।

विष्णु यादव जिला ब्यूरो चीफ  

कोरबा ( सुघर गांव न्यूज ) जिले के कटघोरा ब्लॉक अंतर्गत ग्राम कोराई मं ए बरिस भोजली दाई के भव्य आयोजन मं पूरा गांव भक्ति अउ उल्लास मं रंगाय दिखिस। नौ दिन तक पूजा-पाठ, भजन-कीर्तन अउ लोकगीत के मधुर धुन मं हर गली-चौक गूंजत रहिस। महिला, पुरुष, बालक अउ बुजुर्ग – सब मिलके रोज सुबह-शाम मइया के आरती करिन, फूल, दूब, नारियल अउ प्रसाद अर्पित करिन।दसवें दिन बिहान ले गांव मं एक अलगच चहल-पहल रहिस। मइया ला फूल-माला अउ रंग-बिरंगे कपड़ा ले सजाय गीस। बाजा-गजा, ढोलक, मंजीरा अउ भक्ति गीत के संग शोभा यात्रा निकलीस। रास्ता भर लोग गीत गावत, नाचत अउ जयकारा लगावत रहिन।खोला नदी के घाट पहुंचके, सबो भक्त मन मइया के आरती करिन, नारियल फोरिन अउ गांव के सुख-शांति बर प्रार्थना करिन। विसर्जन के समय माहौल भक्ति अउ भावनाओं ले भरपूर रहिस, कई मन के आंखी भर आये।इस आयोजन मं गांव के एकता, परंपरा अउ संस्कृति के अद्भुत झलक देखे ला मिलिस। विसर्जन के बाद घाट साफ करके प्रकृति संरक्षण के संदेश घलो दीस।भोजली मइया के कृपा ले आने वाला साल ग्राम कोराई बर सुख, शांति अउ समृद्धि ले भरपूर होय – यही सबके मनोकामना हवे।