“उल्लास महापरीक्षा : हर उमर मा जागिस पढे के चहक”

“उल्लास महापरीक्षा : हर उमर मा जागिस पढे के चहक”

   जांजगीर-चांपा (सुघर गांव)। 09 दिसंबर 2025,

फेर सिद्ध होगे कि पढ़ई बर उमर कभू बाधा नइ होथे। कलेक्टर जन्मेजय महोबे,सीईओ गोकुल रावटे अऊ डीईओ अशोक सिन्हा के अगुवई मा 7 दिसम्बर 2025 रइवार के ‘‘उल्लास’’ नव भारत साक्षरता कार्यक्रम के तहत राष्ट्रव्यापी FLNAT महापरीक्षा पूरे जिला भर म सफलता पूर्वक कराई गीस। जिला के 427 परीक्षा केंद्र मा बिहान 10 ले संझा 5 बजे तक परीक्षा चले। 200 घंटा अध्ययन पूरा करे वाले 9300 ले जियादा महीयार अऊ 2030 पुरुष, कुल 11,341 सीखइया मन परीक्षा मा सामिल होय। महीयार मन के जोश खास कर गजब दिखिस—पढ़ई-लिखई बर जागरूकता अउ बढ़त आत्मनिर्भरता के साफ निशानी आए।

अधिकारि मन के अउचक जाँच,सीखइया मन के उत्साह ला सराहिन

जिला परियोजना अधिकारी विजया सिंह राठौर के टीम बलौदा अऊ नवागढ़ ब्लॉक के करमंदी, जर्वे च, सरखो, मड़वा, खोखसा, बैजलपुर, पहरिया, सरई श्रृंगार, तेंदुभांठा, तिलई, कन्हाईबंद  केंद्र मा पहुँचे। सीखइया मन कहिन के—“हमन बर ये मौका लंबे समय ले चाहत रहिन, अब पढ़-लिख के जीवन अउ आसान होही।”

  सहायक संचालक के टीम घलो उतरिस मैदान म

बिलासपुर संभाग के सहायक संचालक जे.पी. शास्त्री अऊ जिला मिशन समन्वयक हरिराम जायसवाल बम्हनीडीह अऊ नवागढ़ के केंद्र मा निरीक्षण करिन। बम्हनीडीह, सोनाइडीह, गोविंदा, ठाकुरदिया, पोंडीराछा, गोधना, सलखन—हर ठन जगह मा महीयार मन के उत्साह देखे जइसने रहिस।

      बुजुर्ग मन घलो नइ रहिन पीछे

सोंठी के आदर्श केंद्र मा धनबाई गोंड़, सुंदर बाई सूर्यवंशी, यशोदा श्रीवास,रमशिला पटेल,जमुना बाई पटेल, सरोज बाई यादव,कमला बाई यादव जइसने कई झन महीयार-अवइय्या मन परीक्षा मा शामिल होइन वो मन कहिन—“अब पढ़इ करे के मौका मिलत हे।