सर्व पत्रकार एकता महासंघ छत्तीसगढ़ की ओर से देश - प्रदेश वासी मन ल गेड़ी तिहार के बधाई अउ शुभकामनाएं - प्रमोद कुमार बंजारे

बुंदराम धीवर जिला रिपोर्टर

कोरबा ( सुघर गांव )। 24 जुलाई 2025 कोरबा जिला के रहईया प्रमोद कुमार बंजारे ( सर्व पत्रकार एकता महासंघ छत्तीसगढ़ के प्रदेशाध्यक्ष ) हर छत्तीसगढ़ के पहली तिहार गेड़ी के बारे म बोलिस छत्तीसगढ़ म पहली अउ हरियाली के तिहार ल छत्तीसगढ़ म गेड़ी ( हरेली ) तिहार के रूप म अति धूमधाम ले मनाएँ जाथे।ये तिहार म लइका मन अपन अपन बर गेड़ी बनवाथे। बताएं जाथे ए तिहार ल सावन महीना म मनाएँ जाथे। अउ ए तिहार हर जुलाई - अगस्त के महीना म होथे गेड़ी तिहार के मतलब हिंदी म हरेली तिहार बोले जाथे। अउ ए तिहार हर किसान मन बर खास तिहार रहिथे। ए तिहार म किसान मन अपन अपन नागर ल धोके मढा़के नागर के पूजा पाठ करथे। ए तिहार हर छत्तीसगढ़ म एक खास तिहार के रूप म मनाएँ जाथे। कबरकी ए तिहार हर खेती खार से जुड़े हे अउ जेकर कारण छत्तीसगढ़ ल धान के कटोरा कहे जाथे। ए तिहार ल गेड़ी तिहार के रूप म छत्तीसगढ़ के किसान मन मनाथे। ए तिहार किसान मन से खेती के प्रतिक रइथे। किसान मन अपन नागर  (हल), बैला अउ खेती से जुड़े सबो ल धोके पूजा पाठ ल करथे  औ सुन्दर फसल बर भगवान के सरण म जाथे।

 गेड़ी तिहार काला कइथे।

गेड़ी तिहार के दिन,लइका अउ  युवा बांस के बने गेड़ी म चड़के  आनंद लेथे गेड़ी तिहार ल कई पीढ़ी पहली ले मनावत आवत हे एकरेले एला पारंपरिक तिहार के रूप म मनाएँ जाथे जेला छत्तीसगढ़ के पहली अउ  लोकप्रिय तिहार हरे.

पारंपरिक व्यंजन के रूप म 

ए दिन, घरों मनमा छत्तीसगढ़ी रोटी जइसे ठेठरी, खुरमी, गुलगुला भजिया,सालौनी

,समोसा,बरा अउ गुड़ के चीला बनाए जाथे।

 

सांस्कृतिक कार्यक्रम के रूप म।

गेड़ी तिहार के अवसर म, सांस्कृतिक कार्यक्रम के  आयोजन करे जाथे। जेमा लोक नृत्य, लोक संगीत,अउ पारंपरिक  तमुरा के प्रदर्शन करे जाथे। 

गेड़ी तिहार के खास महत्व।

गेड़ी तिहार छत्तीसगढ़ के पारम्परिक अउ संस्कृतिक तिहार ल भारी खुशी के साथ मनाए जाथे ए तिहार हर किसान मन के जीवन में खुशी और समृद्धि के प्रतिक हरे,अउ बढ़िया फसल बर पूजा प्रार्थना करथे। 

छत्तीसगढ़ म 36 तिहार हवे।

छत्तीसगढ़ म गेड़ी के अलावा

,राखी,पन्द्रह् अगस्त,कृष्णा जन्माष्टमी, पोरा,गणेश पूजा,तीजा,विश्वकर्मा पूजा,

नवरात्रि पूजा,दशहरा,

दिवाली,मड़ई उत्सव,तिजा,छेरछेरा,होली जइसे 36 तिहार हवे अउ हर तिहार ल भारी उत्साह के साथ छत्तीसगढ़िया मन मनाथे। मै सबो देश - प्रदेशवासी मन ल हमर सर्व पत्रकार एकता महासंघ छत्तीसगढ़ के ओर से हार्दिक बधाई अउ शुभकामना देवत हवव,सबो से मोर हाथ जोड़के निवेदन हवे की  छत्तीसगढ़ के पहली तिहार गेड़ी ल सबो अपन अपन घर म शांति से मनावे।